Презентация по алтайскому языку на тему "Укташ члендер"( "Однородные члены") ( 5 класс)

Укташ члендер

Эрмектерди кычырыгар.
Бистиҥ школдо тындулардыҥ толыгын тöзöп jат. Ондо кожоҥчы куштар, тийиҥдер, кроликтер бар. Балдар тындуларды ашла, öлöҥлö, кузукла азырайт. Кöзнöктö, столдордо jÿзÿн –jÿÿр чечектер öзöт.
Балдар тындулардыҥ клеткаларын арчып jат, ару суула jунуп jат.

-Карарткан сöстöр эрмектиҥ кандый члендери болор?

Тÿҥей сурактарга каруу берип, тÿҥей эрмектиҥ члендери болгон, тоологон ÿнле айдылган сöстöрди кандый члендер деп айдар?
Не ? куштар, тийиҥдер, кроликтер
Азырайт неле? ашла, öлöҥлö, кузукла.
Öзöт кайда? кöзнöктö, столдордо
Балдар нени эдип jат? арчып jат,
jунуп jат.

Тÿҥей сурактарга каруу берип, тÿҥей эрмектиҥ члендери болуп, тоологон ÿнле айдылган сöстöрди укташ члендер деп айдар

1.Темдектелген укташ члендер эрмектиҥ  кандый члени болор?

Ӧлӧҥниҥ ортозыла мыйрыйып барган jолло
 Эркеш ле Мерген јӱгӱрип брааткылады.
А) баштаачы
б) айдылаачы
в) толтыраачы

2.Темдектелген укташ члендер эрмектиҥ  кандый члени болор?

Эркеш ле Мергенниҥ энези тышкары аарчы   кургадат, кийим јунат.
А) баштаачы
б) айдылаачы
в) толтыраачы

3.Темдектелген укташ члендер эрмектиҥ  кандый члени болор?

Мерген, эки карганакка чайды, тусты апарып бер. 
А) баштаачы
б) айдылаачы
в) толтыраачы

4.Темдектелген укташ члендер эрмектиҥ  кандый члени болор?

Сап-сары, јеерен, кызыл тууларды кӧрӱп турзаҥ, кажаганда јылкы мал ошкош.  
А) толтыраачы
б) айалга
в) jартаачы

5.Темдектелген укташ члендер эрмектиҥ  кандый члени болор?

Энем јайгыда ла кӱскиде тайгада койлорло кожо.
А) толтыраачы
б) айалга
в) jартаачы

Каруулары

1. А
2. Б
3. В
4. В
5. Б